DataFest Tbilisi 2023-ის ფარგლებში, ორგანიზაცია „ფორსეტმა“ ევროპის საბჭოს საქართველოს ოფისთან პარტნიორობით, ჩაატარა ჰაკათონი „სიძულვილის ენა და სიძულვილით მოტივირებული დანაშაული ქალებისა და გოგოების წინააღმდეგ ციფრულ სივრცეში“. ჰაკათონის მიზანი ამ პრობლემის ირგვლივ ორიგინალური და ეფექტური ტექნოლოგიური ხელსაწყოებისა და გადაწყვეტების შექმნა და განვითარება იყო. ამ პრაქტიკული აქტივობის შედეგად ორი გამარჯვებული პროდუქტი გამოვლინდა. მათგან ერთ-ერთი ცნობილ ზღაპარზე, „წითელქუდაზე“, დაყრდნობით შექმნილი საბავშვო თამაშია.
მირანდა ნამიჭეიშვილის და ვაჟა კავლელიშვილის გუნდმა შექმნა თამაში მათთვის, ვისაც სურს, მეტი გაიგოს სიძულვილის ენასა და სიძულვილით მოტივირებულ დანაშაულზე ქალებისა და გოგოების მიმართ ციფრულ სივრცეში, და არა მხოლოდ.
თამაში საშუალებას გვაძლევს, ბავშვებს სახალისო და ნაკლებად სტრესული ფორმით მივაწოდოთ ინფორმაცია იმ რისკებსა და საფრთხეებზე, რომლებიც ციფრულ თუ რეალურ სივრცეში ხშირად გვხვდება. ასევე, ვასწავლოთ ამ გამოწვევებისთვის წინააღდმდეგობის გაწევის გზები და დავეხმაროთ ბულინგთან და არასასურველ მოპყრობასთან გამკლავებისთვის საჭირო თავდაჯერებისა და უნარების გამომუშავებაში.
_1706815168.webp)
თამაში, ამ ეტაპზე, მოვლენათა განვითარების რამდენიმე ვერსიას მოიცავს, თუმცა დროთა განმავლობაში მისი დახვეწა, გამრავალფეროვნება და სხვადასხვა პრობლემებზე მორგება იგეგმება.
„წითელქუდას“ თამაში შეგიძლიათ მოცემულ ბმულზე.
