ქალები აფხაზეთის ომიდან

სოხუმის დაცემიდან 29 წელი გავიდა და მიუხედავად იმისა, რომ აფხაზეთის ომი საქართველოს უახლეს ისტორიაში ერთ-ერთი ყველაზე ტრაგიკული პერიოდია, მაინც არასდროს გაკეთებულა სიღრმისეული ანალიზი და რუსეთის ომის დანაშაულებები არასდროს დამდგარა დღის წესრიგში.

ამ აბსოლუტურ მდუმარებაში კი ყველაზე ნაკლებად ქალების ხმა და გამოცდილებები ისმის.

გიზიარებთ ფოტოებს, რომლებიც სწორედ ამ ქალების ისტორიის მცირე ნაწილს მაინც ყვებიან.

რკინიგზის სადგურზე დედა ხვდება თავის შვილს, რომელიც სოხუმში ომის დროს დაღუპული ეგონა.

სოხუმის დაცემის მეორე დღე. ქართველები სასოწარკვეთილები ტოვებენ ოჩამჩირეს პირუტყვისთვის განკუთვნილი სატვირთო ბოლო მატარებლით

სოხუმის დაცემის მეორე დღე. ხალხი სატვირთო მანქანებში ადის და ოჩამჩირეს ტოვებს.

გამთენიისას მოხუცი ქალი ზუგდიდის ხიდზე ხელცარიელი ბრუნდება. ის აფხაზ სეპარატისტებთან იყო, რომ გაეგო, რა დაემართათ მის ნათესავებს.

სოხუმიდან, ოჩამჩირედან და გალიდან გამოქცეულმა ათასობით ქართველმა ჭუბერის უღელტეხილი გამოიარა. მათი ნაწილი ვერტმფრენის მოლოდინში გენწვიშში გაჩერდა, რომელიც მათ უსაფრთხო ადგილას გადაიყვანდა, თუმცა უმრავლესობამ გზა მთებში ფეხით განაგრძო.

დამდნარმა თოვლმა და მძიმე სატვირთოს კვალმა გზაზე ტალახის მდინარეები დააყენა. ეს სატვირთო უიმედოდაა გაჭედილი.

რომ არ გაიყინონ, ბებია და შვილიშვილები მიტოვებულ მანქანაში იძინებენ. მეორე დღეს მათ მთებში ფეხით უნდა განაგრძონ გზა.

ამ ტრაგიკული ისტორიის ფონზე საქართველოს საზღვართან ასიათასობით რუსეთის მოქალაქე დგას, რომლებმაც ომისგან გასაქცევ გზად საქართველოში ჩამოსვლა აირჩიეს. სახელმწიფოს პოლიტიკა კი შეურაცხმყოფელი და დამამცირებელია იმ მოქალაქეებისთვის, რომლებსაც სწორედ რუსული ოკუპაციის გამო ცხოვრება დაენგრათ, საყვარელი ადამიანები დაკარგეს და მოუშუშებელი ტრავმები მიიღეს.