ლუკა ნაჭყებია (დ. 2008) თვითნასწავლი ფოტოგრაფია, რომელიც უკვე 3 წელზე მეტია, ფოტოგრაფიაში მოღვაწეობს. მისი შემოქმედება მოიცავს დოკუმენტურ, პორტრეტულ, შავ-თეთრ და ქუჩის ფოტოგრაფიას, პარალელურად კი ის დაკავებულია კომერციული ფოტოგრაფიითაც. ლუკასთვის ფოტოგრაფია კომუნიკაციისა და ემოციის გამოხატვის საშუალებაა — ისტორია, რომელიც გრძნობებს გადმოსცემს. ის საერთაშორისო ფოტო-ფესტივალის, „ILO-ს“, გამარჯვებულია „UNDER 20“ კატეგორიაში. მონაწილეობა აქვს მიღებული ჯგუფურ გამოფენაში, სახელწოდებით „JOURNEY BEHIND THE SCENES“. ამჟამად მოღვაწეობს თბილისში.
